Çin alimləri Ay missiyaları üçün robot itləri lava mağaralarında sınaqdan keçirir

Pekin Universitetinin Kompüter Elmləri Departamentinin tədqiqatçıları Ayın daxili quruluşunu araşdırmaq və gələcək insanlı missiyalara hazırlıq məqsədilə xüsusi dizayn edilmiş iki robot prototipini yeraltı lava mağaralarında sınaqdan keçirirlər. Sınaqlar Heilongjiang əyalətində, Jingpohu gölü yaxınlığında yerləşən təbii lava borularında aparılır.

Tədqiqatçıların fikrincə, mağaranın geoloji və fiziki xüsusiyyətləri Ay səthində gözlənilən mühitə çox bənzəyir. Robotlar sərt relyeflərdə hərəkət etmək, ölçmələr aparmaq və çətinliklə əldə edilən məlumatları toplamaq üçün istifadə olunur.

İki fərqli prototip sınaqdan keçirilir:
Birinci robot qarışqayeyən heyvanından ilhamla hazırlanıb və çevik robot qolu ilə təchiz olunmuş sabit platformaya malikdir. Bu quruluş ona çətin şəraitdə çoxfunksiyalı əməliyyatlar yerinə yetirməyə imkan verir. İkinci prototip isə təkərlərlə hərəkət edən və çətin relyeflərdə kəşfiyyat aparmaq üçün nəzərdə tutulmuş mobil platformadır.

Çin alimləri Ayın səthindəki lava borularını — yəni bərkimiş lava axınlarının yaratdığı təbii tunelləri — gələcəkdə Ay bazaları üçün potensial yaşayış sahələri kimi qiymətləndirirlər. Belə strukturlar radiasiyadan və Ayın ekstremal temperatur dəyişkənliklərindən qorunmaq üçün təbii sipər rolunu oynaya bilər. NASA və Avropa Kosmik Agentliyi də oxşar məqsədlərlə Ay səthindəki lava borularına maraq göstərir.

Çinin bu sahədə aktivliyi ölkənin sürətlə inkişaf edən kosmik proqramının bir hissəsidir. Çin artıq Ayın uzaq tərəfində uğurla eniş etmiş və 2030-cu illərin əvvəllərində insanlı Ay missiyası həyata keçirməyi planlaşdırdığını açıqlamışdır.

Aytac