Azərbaycanın meyvə-tərəvəz ixracı 2025-ci ilin ilk 8 ayında 539 min tonu ötüb

Azərbaycan 2025-ci ilin səkkiz ayında 539 485,13 ton meyvə-tərəvəz ixrac edib ki, bu da ötən ilin eyni dövrü ilə müqayisədə %32,2 artım deməkdir. Bu barədə Dövlət Gömrük Komitəsinin məlumatında qeyd olunub.

İxracın statistik dəyəri isə 560,74 milyon ABŞ dolları təşkil edib.

2024-cü ilin səkkiz ayında bu göstəricilər 408 120,32 ton və 424,03 milyon dollar idi.

Dövlət Gömrük Komitəsinin məlumatına görə, 2025-ci ilin ilk 8 ayında meyvə-tərəvəz məhsullarının ümumi ixracdakı payı 3,29%, qeyri-neft sektoru üzrə ixracda isə 23,37% olub.

Müvafiq olaraq, 2024-cü ilin analoji dövründə bu göstəricilər müvafiq olaraq 2,33% və 19,45% idi.

İxrac artımı, əsasən, Rusiyaya, Birləşmiş Ərəb Əmirliklərinə və Avropa İttifaqı ölkələrinə göndərilən məhsul həcminin çoxalması ilə əlaqələndirilir. Ekspertlər bunu həm məhsuldarlığın artması, həm də ixracatçılar üçün yeni bazar imkanlarının açılması ilə izah edirlər.

Azərbaycan qeyri-neft sektoru üzrə ixracın diversifikasiyasına və kənd təsərrüfatı məhsullarının xarici bazarlarda təşviqinə son illərdə xüsusi diqqət yetirir.

Gülnar Nazimqızı