Azərbaycanda vergi ödəyicilərinin sayı 5 %-ə yaxın artıb

2025-ci ilin  oktyabrın 1-nə Azərbaycanda 1 653 132 vergi ödəyicisi olub. Bu, ötən il oktyabrın 1-i ilə müqayisədə 4,8 % çoxdur. Bu barədə İqtisadiyyat Nazirliyi yanında Dövlət Vergi Xidməti məlumat yayıb.

Vergi ödəyicilərinin 86,9 %-i fiziki şəxslər, 13,1 %-i hüquqi şəxslər və digər təşkilatlardır. Son 1 ildə fərdi sahibkarların sayı 4,5 %, idarə, müəssisə və təşkilatların sayı isə 7,2 % artıb.

Təkcə bu ilin 9 ayında 10 724 vahid kommersiya qurumu dövlət qeydiyyatından keçib. Onun 88,5 %-i yerli, 11,5 %-i xarici investisiyalıdır.

Aytac