Şimal–Cənub nəqliyyat dəhlizi vasitəsiləyükdaşımaların həcmi artıb

2025-ci ilin doqquz ayında Şimal–Cənub beynəlxalq nəqliyyat dəhlizi  vasitəsilə yükdaşımaların həcmi ötən ilin eyni dövrü ilə müqayisədə 8,3% artıb. Bu barədə baş nazirin müavini Şahin Mustafayev Bakıda keçirilən Azərbaycan, Rusiya və İran hökumət nümayəndələrinin üçtərəfli görüşündə çıxışı zamanı məlumat verib.

"Azərbaycan həm İran, həm də Rusiya ilə quru sərhədlərə malik yeganə ölkə kimi, Şimal–Cənub nəqliyyat dəhlizinin qərb hissəsində strateji mövqe tutur. Bu coğrafi üstünlük ölkəmizə dəhlizin səmərəli fəaliyyəti və regionda nəqliyyat əlaqələrinin inkişafında mühüm rol oynamağa imkan verir",- o bildirib.

Şahin Mustafayev əlavə edib ki, 2022-ci ilin sentyabrında  Bakıda keçirilən üçtərəfli görüşün yekunlarına dair imzalanmış Bakı Bəyannaməsində dəhliz üzrə yükdaşımaların həcminin 15 milyon tona çatdırılması nəzərdə tutulub.

Aytac Zeynalova