Azərbaycan, Rusiya və İran yükdaşımaları genişləndirmək üçün yeni sazişlər imzalayıb

2024-cü ilin dekabrında, Azərbaycan və Rusiya hökumətləri arasında tranzit yükdaşımalarının inkişafı sahəsində əməkdaşlıq haqqında bağlanan Sazişə görə, Azərbaycan ərazisindən keçiriləcək tranzit yüklərin illik minimal həcmi 2028-ci il yanvarın 1-dən etibarən 5 milyon ton səviyyəsində müəyyən edilib. Bunu Baş nazirin müavini Şahin Mustafayev Bakıda keçirilən Azərbaycan, Rusiya və İran hökumət nümayəndələrinin üçtərəfli görüşündə deyib.

Mustafayev bildirib ki, Azərbaycan, Rusiya və İran arasında Şimal-Cənub Beynəlxalq Nəqliyyat Dəhlizi çərçivəsində tranzit və infrastruktur sahəsində əməkdaşlıq genişlənir. Bu məqsədlə son bir il ərzində bir neçə mühüm saziş imzalanıb.

"2023-cü ilin mayında, Rəşt-Astara dəmir yolunun tikintisi ilə bağlı İran və Rusiya hökumətləri arasında saziş imzalanıb. Layihə “Şimal-Cənub” dəhlizinin İran seqmentində vacib bağlantı hesab olunur. 2024-cü ilin dekabrında, Azərbaycan və Rusiya hökumətləri arasında tranzit yükdaşımalarının inkişafı sahəsində əməkdaşlıq haqqında Saziş bağlanıb. Sazişə əsasən, Azərbaycan ərazisindən keçiriləcək tranzit yüklərin illik minimal həcmi 2028-ci il yanvarın 1-dən etibarən 5 milyon ton səviyyəsində müəyyən edilib. Tərəflərin qərarından asılı olaraq, bu həcm sonradan 15 milyon tona qədər artırıla bilər", - Mustafayev deyilib. 

“Şimal-Cənub” Beynəlxalq Nəqliyyat Dəhlizi Hind okeanından, İran və Azərbaycan vasitəsilə Rusiya və Avropaya uzanan yük marşrutudur. Layihə, Asiya ilə Avropa arasında yükdaşımaları daha qısa və sərfəli marşrutla təmin etməyi hədəfləyir. Azərbaycan bu dəhlizdə əsas tranzit ölkə kimi çıxış edir və dəmir yolu infrastrukturunun modernləşdirilməsinə investisiyaları artırır.

Gülnar