Azərbaycan neft məhsullarının ixracı artırıb

2025-ci ilin yanvar-sentyabrında Azərbaycan 273 775,15 min ABŞ dolları dəyərində 503 400,53 ton neft məhsulları ixrac edib. Bu da ötən ilin eyni dövrü ilə müqayisədə 6,37% az, həcmi isə 9% çox olub. Bu barədə  Dövlət Gömrük Komitəsi məlumat yayıb.

2024-cü ildə Azərbaycan 334 918,14 min ABŞ dolları dəyərində 537 628,46 ton neft məhsulları ixrac edib. Hesabat dövründə Azərbaycanın ixrac etdiyi neft məhsullarının dəyəri 2023-cü ilin göstəricisi ilə müqayisədə 41,5%, həcmi isə 41,9% azalıb.

Ötən 8 ayda Azərbaycanın ümumi ixracında bitumlu süxurlardan alınmış xam neft və neft məhsullarının payı 49,20 % olub.

Cari ilin yanvar-avqustunda Azərbaycan xarici ölkələrlə 32 milyard 118 milyon ABŞ dolları dəyərində ticarət əməliyyatı aparıb. Xarici ticarət dövriyyəsinin 17 milyard 65 milyon ABŞ dolları ixracın, 15 milyard 53 milyon ABŞ dolları isə idxalın payına düşüb. Son 1 ildə ixrac 6,4 % azalıb, idxal isə 17,9 % artıb.

Aytac Zeynalova