Azərbaycanın bank sektorunda aktivlər və öhdəliklər artıb

2025-ci ilin altı ayında Azərbaycanda bank aktivləri 56,7 milyard manat təşkil edib ki, bu da ilin əvvəlinə nisbətən 7 faiz çoxdur. Bunu PAŞA Bankın İdarə Heyəti sədrinin müavini  Bəhruz Nağıyev deyib.

O bildirib ki, öhdəliklər 7,3 faiz artaraq 49,8 milyard manata, kapital isə 4,9 faiz artımla 6,9 milyard manata yüksəlib.

"Kredit portfeli 3,6 faiz artaraq 28,5 milyard manata çatıb. Fiziki şəxslərə verilən kreditlərin həcmi 13,3 milyard manat, hüquqi şəxslər və sahibkarlara ayrılan kreditlərin məbləği isə 15,1 milyard manat olub. Depozit portfeli 6,7 faiz artaraq 42,9 milyard manata çatıb. Bunun 24,3 milyard manatı qeyri-maliyyə təşkilatlarının, 15,4 milyard manatı fiziki şəxslərin, 3,2 milyard manatı isə maliyyə təşkilatlarının payına düşüb", o vuğulayıb.

2025-ci ilin ilk altı ayında ölkədə 22 bank, 496 filial, 54 bank olmayan kredit təşkilatı və 36 kredit ittifaqı fəaliyyət göstərib.

Aytac Zeynalova