Azərbaycana avtomobil idxalı artıb

2025-ci ilin doqquz ayında ölkəyə 85,257 ədəd avtomobil idxal olunub. Onların statistik dəyəri 1 milyard 605 milyon ABŞ dolları təşkil edib. Bu, ötən dövrlə müqayisədə müvafiq olaraq 28.6% çox say və 26.6% çox dəyər deməkdir. Bu barədə Dövlət Gömrük Komitəsindən bildirilib. 

Əvvəlki dövrdə idxal olunan avtomobillərin sayı 66,285 ədəd, dəyəri isə 1 milyard 268 milyon dollar olub.

Sərnişin daşımaları üçün nəzərdə tutulmuş minik avtomobilləri (mal kodu 8703) ümumi idxalın əsas hissəsini təşkil edib. 

Plug-in hibrid avtomobillərin sayı 4,998-dən 31,873-ə, dəyəri isə 171.7 milyon dollardan 604.6 milyon dollara yüksəlib.

Hibrid avtomobillərin idxalı 12,555 ədəd təşkil edib (264 milyon dollar), bu da əvvəlki dövrə nisbətən miqdarda təxminən 17% artım deməkdir.

Tam elektrik mühərrikli avtomobillərin idxalı isə 2,245-dən 1,559 ədədə düşüb, lakin dəyəri 48.2 milyon dollar səviyyəsində qalır.

Azərbaycan 2024-cü ildən etibarən elektromobil idxalını təşviq edən gömrük və vergi güzəştləri tətbiq edir. Rəqəmlər göstərir ki, bu siyasət alternativ enerjili nəqliyyat vasitələrinə tələbi artırıb. 

Gülnar