Azərbaycanın illik inflyasiyası 5,5% olub

2025-ci ilin ilk doqquz ayında illik inflyasiya 5,5% təşkil edib. Ərzaq inflyasiyası 7,4%, qeyri-ərzaq mallarında isə 2,4% səviyyəsində olub. Bunu 
Azərbaycan Mərkəzi Bankı idarə heyətinin sədri Takeh Kazlmov bildirib.

Bankın açıqlamasına görə, həm ümumi, həm də baza inflyasiyası hədəf diapazonu daxilində qalıb. Mərkəzi Bank ilin sonuna inflyasiya proqnozunu iyulda gözlənilən 5,7%-dən 6%-ə, 2026-cı ilin sonuna isə 5,7%-ə qaldırıb. Artım əsasən kənd təsərrüfatı istehsalçı qiymətlərinin yüksəlməsi ilə izah olunur.

Kənd təsərrüfatı istehsalçı qiymətləri indeksi doqquz ayda 9,3% artıb və ümumi inflyasiyaya təxminən 0,4 faiz bəndi əlavə təsir göstərib. 

Kazımov qeyd edib ki, idxal olunan toxumların qiyməti 61%, heyvan yemi 27%, mineral gübrələr 11,8% bahalaşıb.

Cari əməliyyat balansının defisiti $2,3 milyard (ÜDM-in 6,3%-i) təşkil edib, strateji valyuta ehtiyatları isə $81,5 milyarda çatıb. Bu, 37 aylıq idxalın ödənilməsinə bərabərdir.

Mərkəzi Bank bu il uçot dərəcəsini 0,25 bənd azaldıb və bildirib ki, növbəti qərarlar inflyasiya dinamikası və bazar likvidliyindən asılı olacaq.

N.Təbrizli