BTB Bank maliyyə tələblərinə tam cavab verir, risklər müşahidə olunmur -Mərkəzi Bank

BTB Bank hazırda tənzimləyici tələblərə tam cavab verir və dayanıqlılıq baxımından riskli vəziyyət yoxdur. Bunu Azərbaycan Mərkəzi Bankının İdarə Heyətinin Sədri Taleh Kazımov bildirib.

Onun sözlərinə görə, bankın bazar payı bir faizdən aşağı olsa da, son illərdə aparılan nəzarət tədbirləri nəticəsində kapital dayanıqlığı və likvidlik göstəriciləri yaxşılaşıb. 

“BTB Bank Mərkəzi Bankın bütün prudensial tələblərinə cavab verir və fəaliyyətini davam etdirir,” – Kazımov bildirib.

O qeyd edib ki, əmanətlərin 96,3%-i tam sığortalanıb, əmanətçilərin 99,3%-i isə sığorta sistemi ilə qorunur. 

Bankın aktiv və kapital göstəriciləri 2024–2025-ci illərdə artıb və maliyyə vəziyyəti sabitləşib.

“Hazırda bankla bağlı hər hansı sistemli problem və ya əlavə müdaxilə zərurəti yoxdur,” – Kazımov vurğulayıb.

N.Təbrizli