Neft və qaz bahalaşıb, ABŞ ehtiyatları azalıb

Nyu-Yorkun “NYMEX” birjasında təbii qaz və neftin fyuçers qiymətləri artıb, ABŞ-da isə kommersiya neft ehtiyatları azalıb.

Noyabr tədarüklü təbii qaz fyuçersləri 0,23% bahalaşaraq 1 milyon BTU üçün 3,45 dollar olub.

Londonun ICE birjasında Brent markalı neftin dekabr fyuçersləri 3,23% artaraq 64,61 dollar, Nyu-York birjasında WTI markalı neftin qiyməti isə 3,37% yüksələrək 60,47 dollar təşkil edib.

Azərbaycanın Azeri Light (CIF) markalı nefti də 1,05 dollar və ya 1,68% bahalaşaraq 63,45 dollar/barel səviyyəsinə çatıb.

ABŞ Enerji İnformasiya İdarəsinin (EIA) məlumatına görə, ölkənin kommersiya neft ehtiyatları ötən həftə 961 min barel azalaraq 422,8 milyon barel olub. Analitiklər artım gözləyirdi, lakin azalma qiymətlərin yüksəlməsinə səbəb olub.

Azərbaycanın 2025-ci il dövlət büdcəsində Azeri Light neftinin orta qiyməti 70 dollar/barel səviyyəsində nəzərdə tutulub.

N.Təbrizli