Dövlət istiqrazları üzrə xərclərin həcmi açıqlanıb

2025-ci ilin doqquz ayı ərzində Azərbaycanın dövlət büdcəsindən dövlət borcuna xidmət xərcləri çərçivəsində daxili dövlət borcu üzrə faiz və diskont ödənişlərinin həyata keçirilməsi üçün 449,9 milyon manat vəsait xərclənib. Bu barədə Maliyyə Nazirliyindən bildirilib. 

İin əvvəlindən etibarən dövlət istiqrazları üzrə orta ödəniş müddətinin uzadılması və təkrar maliyyələşdirmə risklərinin azaldılması məqsədilə daha uzunmüddətli istiqrazlarla əvəzlənmə prosesi davam etdirilib. Bu tədbirlər nəticəsində 3 milyard 131,9 milyon manat əsas borc ödənişi həyata keçirilib.

Cari ilin doqquz ayında əlavə olaraq 1 milyard 439,6 milyon manat əsas borc ödənişi dövlət büdcəsinin “Dövlət borcu və zəmanəti üzrə öhdəliklərin təminatı fondu”nun vəsaiti hesabına investorlar qarşısında geri qaytarılıb.

Beləliklə, 2025-ci ilin yanvar–sentyabr dövründə dövlət istiqrazları üzrə ümumilikdə 4 milyard 571,5 milyon manat məbləğində əsas borc ödənişi icra olunub.

Aytac