Kobia rəhbəri: Françayzinq modeli yeni iş yerlərinin açılmasına təkan verəcək

Françayzinq modeli Azərbaycanda sahibkarlığın inkişafı və məşğulluğun artırılması baxımından mühüm potensiala malikdir. Bunu Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bildirib.

“Françayzinq modeli yeni bir düşüncə tərzidir və beynəlxalq təcrübəyə əsaslanır. Bu sistem yeni biznes yerlərinin açılmasına və iqtisadi fəaliyyətin canlanmasına şərait yaradacaq,” –  Məmmədov Avrasiya Françayzinq Forumunda qeyd edib.

O əlavə edib ki, KOBİA olaraq agentlik françayzinqin inkişafını, xüsusilə də yerli sahibkarların bu sahəyə qoşulmasını uğurlu iqtisadi sistem kimi qiymətləndirir.

Françayzinq modeli dünyada kiçik və orta sahibkarlığın genişlənməsi üçün əsas alətlərdən biri hesab olunur. Azərbaycan hökuməti 2023-cü ildən etibarən bu sahədə hüquqi və institusional mexanizmlərin yaradılması, həmçinin yerli sahibkarların beynəlxalq brendlərlə əməkdaşlıq imkanlarının artırılması istiqamətində işlər aparır.

Gülnar Nazimqızı