Aqrar və aqrar-sənaye məhsullarının ixracı on ayda 19% artıb

2025-ci ilin on ayında aqrar və aqrar-sənaye məhsullarının ixracını ötən ilin eyni dövrü ilə müqayisədə 19,1% artıraraq 1,03 milyard dollara çatdırıb. Bu barədə İqtisadi İslahatların Təhlili və Kommunikasiya Mərkəzinin “İxrac icmalı”nda bildirilir.

Mərkəzin məlumatına görə, aqrar məhsulların ixracı 27,5% artaraq 769,7 milyon dollar təşkil edib.

Aqrar-sənaye məhsullarının ixracı isə 260 milyon dollar olub.

Son illər Azərbaycan qeyri-neft ixracında kənd təsərrüfatı məhsullarının payını artırmaq məqsədilə emal sənayesi, logistik infrastruktur və ixrac dəstəyi mexanizmlərini genişləndirib.

Ölkənin əsas aqrar ixrac kalemləri arasında pomidor, fındıq, xurma, alma, pambıq lifi, meyvə-tərəvəz şirələri və tütün məmulatları yer alır.

Əsas ixrac bazarları Rusiya, Türkiyə, Çin, BƏƏ və Mərkəzi Asiya ölkələridir.

Gülnar Nazimqızı