Azərbaycanın neft ixracı artıb

2025-ci ilin  yanvar-oktyabrında Azərbaycan 20 milyon 754 min 593,06 ton həcmində bitumlu süxurlardan alınmış xam neft və neft məhsulları ixrac edib. Bu da ötən ilin eyni dövrü ilə  müqayisədə 0,9 % çox, dəyəri isə 15 % azdır. Bu barədə Dövlət Gömrük Komitəsinin statistikasında qeyd olunub.

Azərbaycandan ixrac edilən xam neftin dəyəri 10 milyard 849 milyon 719,29 min ABŞ dolları təşkil edib.

Ötən 10 ayda Azərbaycanın ümumi ixracında bitumlu süxurlardan alınmış xam neft və neft məhsullarının payı 50,14 % olub.

Cari ilin yanvar-oktyabrında Azərbaycan xarici ölkələrlə 40 milyard 862 milyon ABŞ dolları dəyərində ticarət əməliyyatı aparıb.

Aytac