“Azərmaş Group” dövlət zəmanəti ilə 10 milyon manatlıq istiqraz buraxır

“Azərmaş Group” MMC Bakı Fond Birjasında 10 milyon manatlıq faizli, sənədsiz, adlı istiqraz yerləşdirməyə hazırlaşır.

Birjanın məlumatına görə, nominal dəyəri 1 000 manat olan 10 000 istiqraz kütləvi təklif yolu ilə təklif olunacaq və 36 ay müddətində tədavüldə olacaq. İllik gəlirlilik 13% təşkil edir, faizlər rüblük ödəniləcək.

Emissiyanın anderrayteri “PAŞA Kapital”dır, istiqrazların nominal dəyərinin 60%-i üzrə İpoteka və Kredit Zəmanət Fondu zəmanət verib. Emitent istiqrazları 27-ci, 30-cu, 33-cü və 36-cı aylarda mərhələli şəkildə geri alma hüququna malikdir.

N.Təbrizli