Mərkəzi Bank ölkədə vahid açıq bankçılıq standartlarının tətbiqini planlaşdırır

Azərbaycan Mərkəzi Bankı (AMB) ölkədə vahid açıq bankçılıq standartlarının tətbiqini planlaşdırır. Bunu AMB-nin Xüsusi tənzimləmə rejiminin təşkili şöbəsinin rəisi Sahib Həsənov IX Beynəlxalq Bank Forumunda məlumat verib.

O bildirib ki, vahid standartların tətbiqi şəffaflığın artırılmasına və maliyyə sektorunda rəqabətin güclənməsinə imkan verəcək. 

Şöbə rəisi həmçinin əıavə edib ki, bu yanaşma beynəlxalq təcrübədə, o cümlədən Gürcüstanda da tətbiq olunub.

“AMB finteklərə və banklara bərabər şərait yaradıb ki, onlar mövcud funksionallıqlardan istifadə edərək, tələblərə uyğun yeni və innovativ məhsullar təqdim edə bilsinlər”, – Sahib Həsənov əlavə edib.

Aytac