Əmanətlərin valyuta strukturu dəyişməz qalıb

Azərbaycan banklarında fiziki şəxslərin əmanətlərinin 68,2%-i və ya 10,610.2 milyon manatı milli valyutada, 31,8%-i isə 4,938.8 milyon manat olmaqla xarici valyutada saxlanılır. Bu barədə Mərkəzi Bankdan bildirilib.

Fiziki şəxslərin ümumi əmanət portfelinin 63,6%-ni — 9,883.6 milyon manatı müddətli əmanətlər təşkil edir.

Oktyabrda müddətli əmanətlər 1,7% və ya 163,4 milyon manat artıb, tələbli əmanətlər isə 0,2% və ya 8,6 milyon manat yüksəlib.

Bank sektorunda unikal müddətli əmanətçilərin sayı 2025-ci ilin oktyabrında 2,7% (4,812 nəfər), ilin əvvəlindən isə 23,6% (35,450 nəfər) artım göstərib.

Hüquqi şəxslərin tələbli depozitləri 15,236.8 milyon manat təşkil edərək onların ümumi depozit portfelinin 74,3%-ni əhatə edib.

Gülnar