Azərbaycanın qeyri-neft ixracı 10 ayda 6,6% artıb

Azərbaycanın qeyri-neft-qaz sektoru üzrə ixracı yanvar–oktyabr aylarında 6,6% artaraq 3 mlrd ABŞ dollarına yüksəlib. Bu barədə İqtisadi İslahatların Təhlili və Kommunikasiya Mərkəzinin noyabr ayı üzrə “İxrac İcmalı”nda bildirilib.

Mərkəzin məlumatına görə, ölkənin Rusiyaya qeyri-neft-qaz ixracı 1,3% artaraq 968,9 mln dollar təşkil edib.

Rusiya illərdir Azərbaycanın qeyri-neft ixracında ən iri bazarlardan biri olaraq qalır.
Hesabat dövründə Türkiyəyə ixrac 1,8% artaraq 486,3 mln dollara, İsveçrəyə ixrac isə 70,7% artaraq 288,3 mln dollara çatıb.

Azərbaycan Gürcüstana 273,6 mln dollar (16,6% artım), Ukraynaya isə 171,4 mln dollar dəyərində qeyri-neft məhsulları göndərib.


Azərbaycan son illər qeyri-neft ixracını artırmaq məqsədilə kənd təsərrüfatı və sənaye məhsullarının diversifikasiyasına xüsusi diqqət yetirir. Rusiya, Türkiyə və Gürcüstan ölkənin ənənəvi bazarları olsa da, İsveçrəyə ixracda yüksək artım əsasən qızıl və qiymətli metallar üzrə ticarətlə əlaqələndirilir.

Gülnar