Azərbaycan nefti bahalaşıb

Azərbaycanın “Azeri Light” markalı neftinin dünya bazarındakı qiyməti 0,32 dollar və ya 0,48% artaraq bir barel üçün 66,54 dollara yüksəlib.

Hərrac nəticələrinə görə, “Brent” markalı neftin fevral fyuçersləri 64,41 dollar səviyyəsində formalaşıb.

Türkiyənin Ceyhan limanında FOB bazasında satılan “Azeri Light” da 0,33 dollar və ya 0,51% bahalaşaraq 64,54 dollar olub.

Azərbaycanın dövlət büdcəsində neftin orta qiyməti cari il üçün 70 dollar götürülüb, beləliklə hazırkı qiymət proqnozdan təxminən 5% aşağı qalır.

“Azeri Light”ın tarixi minimumu 2020-ci il aprelin 21-də — 15,81 dollar, maksimumu isə 2008-ci ilin iyulunda — 149,66 dollar səviyyəsində qeydə alınıb. Bu neft “Azəri-Çıraq-Günəşli” yataqlar blokundan hasil olunur və SOCAR konsorsiumda 31,65% paya malikdir.