Sosial sığorta haqları yanvar–noyabrda 5,73 mlrd manat olub

2025-ci ilin on bir ayında dövlət sosial sığorta haqları üzrə daxilolmalar 5,7336 milyard manat təşkil edib ki,  bu, ötən ilin eyni dövrü ilə müqayisədə 11,7% və ya 601,3 milyon manat artım deməkdir. Bu barədə İqtisadiyyat Nazirliyi yanında Dövlət Vergi Xidməti aməlumat yayıb.

Qeyri-büdcə təşkilatları üzrə daxilolmalar isə 12,3% artaraq 3,8322 milyard manat təşkil edib. Bu göstərici ölkədə əmək bazarının qeyri-büdcə sektorunda da əməkhaqqı fondlarının artım tendensiyasını göstərir.

Son illərdə Azərbaycanda muzdlu işçilərin və əməkhaqqı fondlarının “ağarması” – yəni rəsmi qeydiyyata alınması – sosial sığorta daxilolmalarını artıran əsas amillərdən biri olub. 

Gülnar