ADY-də innovativ və dayanıqlı həllər tətbiq olunacaq- ADB rəsmisi

Asiya İnkişaf Bankı (ADB) Azərbaycan Dəmir Yollarına (ADY) şirkətin gələcək inkişaf vizyonuna uyğun olaraq genişmiqyaslı texniki yardım proqramı təqdim edəcək. Bunu ADB rəsmisi bildirib.

 O bildirib ki, proqram çoxşaxəli islahatları, innovativ həllərin tətbiqini və institusional potensialın gücləndirilməsini nəzərdə tutur.

"Texniki yardım bir neçə əsas istiqamət üzrə nəticələrin əldə edilməsinə fokuslanır və bu istiqamətlər ADY-nin uzunmüddətli strategiyası ilə tam şəkildə uzlaşır. Proqram çərçivəsində dəmir yolunun fəaliyyətində innovativ yanaşmaların tətbiqi, idarəetmə və əməliyyat səmərəliliyinin artırılması əsas prioritetlərdəndir. Bununla yanaşı, enerji səmərəliliyinin artırılması və enerji sərfiyyatının optimallaşdırılmasına yönəlmiş tədbirlər hazırlanacaq. Məqsəd şirkətin gələcəkdə layihələri müstəqil şəkildə hazırlamaq və həyata keçirmək bacarığını gücləndirməkdir",- o vurğulayıb.

Aytac