Azərbaycan nefti ucuzlaşıb

Dünya bazarında "Azeri Light" markalı Azərbaycan neftinin bir barelinin qiyməti 0,87 dollar və ya 1,13% azalaraq 64,36 ABŞ dollarına düşüb.

Hərracların nəticələrinə əsasən, "Brent" markalı neftin fevral fyuçersləri də ucuzlaşıb və hazırda 61,99 ABŞ dolları təşkil edir.

Ceyhan limanında FOB bazasında satılan "Azeri Light" neftinin bir bareli isə 0,98 dollar və ya 1,5% ucuzlaşaraq 62,33 dollara enib.

Azərbaycanın dövlət büdcəsində neftin bir barelinin orta qiyməti bu il üçün 70 dollar nəzərdə tutulub. Hazırkı qiymət bu göstəricidən 8–8,5 dollar aşağıdır.

"Azeri Light" nefti "Azəri-Çıraq-Günəşli" blokundan hasil olunur və SOCAR-ın bu müqavilədəki payı 31,65% təşkil edir.