Azərbaycan nefti bahalaşıb

Azərbaycan neftinin “Azeri Light” markalı növünün dünya bazarındakı qiyməti 1,52% və ya 0,95 dollar artaraq bir barel üçün 63,4 ABŞ dollarına yüksəlib.

Fevral  üzrə “Brent” markalı neftin fyuçers qiyməti 60,87 ABŞ dolları olub.

Türkiyənin Ceyhan limanında FOB şərtləri ilə “Azeri Light” neftinin bir bareli 1,52% və ya 0,92 dollar bahalaşaraq 61,32 ABŞ dollarına çatıb.

Azərbaycanın 2025-ci il dövlət büdcəsində neftin bir bareli üçün orta qiymət 70 ABŞ dolları səviyyəsində nəzərdə tutulub.

“Azeri Light” neftinin ən aşağı qiyməti 2020-ci ilin aprelində 15,81 dollar, ən yüksək qiyməti isə 2008-ci ilin iyulunda 149,66 dollar olub. Bu neft “Azəri-Çıraq-Günəşli” yataqlar blokunda hasil edilir və SOCAR-ın layihədə payı 31,65% təşkil edir.