Azərbaycan nefti bahalaşıb

Dünya bazarında “Azeri Light” markalı Azərbaycan neftinin bir barelinin qiyməti 0,43 dollar və ya 0,65% artaraq 66,14 dollar olub. 

Hərracların nəticələrinə görə, “Brent” markalı neftin fevral fyuçersləri 63,07 dollar səviyyəsində formalaşıb.

Türkiyənin Ceyhan limanında FOB şərtləri ilə “Azeri Light” neftinin bir barelinin qiyməti 0,43 dollar və ya 0,67% artaraq 64,07 dollar təşkil edib.

Azərbaycanın 2025-ci il dövlət büdcəsində neftin bir barelinin orta qiyməti 70 dollar səviyyəsində nəzərdə tutulub.

“Azeri Light” neftinin minimum qiyməti 2020-ci ilin aprelində 15,81 dollar, maksimum qiyməti isə 2008-ci ilin iyulunda 149,66 dollar olub. Bu neft “Azəri-Çıraq-Günəşli” yataqlar blokunda hasil edilir və SOCAR-ın layihədə payı 31,65%-dir.