SOFAZ investisiya portfelində istiqrazların payını azaldıb, qızıl və daşınmaz əmlakın payı artıb

2026-cı ilin yanvarın 1-nə Azərbaycan Dövlət Neft Fondunun (ARDNF) investisiya portfelində istiqrazlar və digər pul bazarı alətlərinin xüsusi çəkisi 29,8 % təşkil edib, bu, ötən ilin eyni dövrü ilə müqayisədə 17,1 faiz bəndi azdır.

Fondun məlumatına görə, 1 ilə qədər müddətli istiqrazların payı 12,7 %-ə düşüb, ötən ilə nisbətən 4,3 faiz bəndi azalma qeydə alınıb. 1-3 illik istiqrazlar 32,2 %-ə, 3-5 illik istiqrazlar 29,1 %-ə yüksəlib, 5 ildən uzun müddətli istiqrazlar isə 26,1 %-ə geriləyib.

Portfeldə səhmlərin payı 25,6 %-ə düşüb, qızılın payı 20,6 %-dən 38,2 %-ə, daşınmaz əmlakın payı isə 5,9 %-dan 6,4 %-ə yüksəlib.

N.Təbrizli