“Azeri Light” neftinin qiyməti 69,77 ABŞ dolları səviyyəsində stabilləşib

Dünya bazarında “Azeri Light” markalı Azərbaycan neftinin bir barelinin qiyməti 0,03 ABŞ dolları və ya 0,04% azalaraq 69,77 ABŞ dolları təşkil edib. 

Hərrac nəticələrinə görə, “Brent” markalı neftin aprel fyuçerslərinin qiyməti 69,7 ABŞ dolları olub. Türkiyənin Ceyhan limanında FOB bazasında “Azeri Light” neftinin bir bareli 67,27 ABŞ dolları səviyyəsində qalıb.

Azərbaycanın 2026-cı il dövlət büdcəsində neftin orta qiyməti 65 ABŞ dolları götürülüb.

“Azeri Light” neftinin tarixində ən aşağı qiymət 2020-ci il aprelin 21-də 15,81 ABŞ dolları, ən yüksək qiymət isə 2008-ci ilin iyulunda 149,66 ABŞ dolları olub.

"Azəri-Çıraq-Günəşli” (AÇG) yataqlar blokunun işlənməsi müqaviləsi çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 31,65%-dir.