SOCAR və Britaniyanın Wood şirkəti əməkdaşlıq imkanlarını müzakirə edib

Azərbaycan Dövlət Neft Şirkəti (SOCAR) ilə Böyük Britaniyanın Wood şirkəti arasında bərpaolunan enerji və rəqəmsallaşdırma sahələrində əməkdaşlıq imkanları nəzərdən keçirilib.

Məlumata görə, müzakirələr SOCAR prezidenti Rövşən Nəcəf ilə Wood şirkətinin icraçı prezidenti Stiv Nikol arasında keçirilən görüş zamanı aparılıb.

Tərəflər mövcud əməkdaşlıqdan məmnunluqlarını ifadə edib, birgə layihələrin icra vəziyyətini müzakirə ediblər. Görüşdə SOCAR-ın ölkə daxilində və xaricdə həyata keçirdiyi layihələr, həmçinin “upstream”, “midstream” və “downstream” istiqamətlərində əməkdaşlığın genişləndirilməsi imkanları da nəzərdən keçirilib.

Bundan əlavə, qarşılıqlı maraq doğuran digər məsələlər ətrafında fikir mübadiləsi aparılıb.