Azərbaycan nefti ucuzlaşıb

Dünya bazarında Azərbaycan neftinin qiyməti 4,7%-ə yaxın ucuzlaşıb.

Hesablamalara görə, “Azeri Light” markalı neftin bir barelinin qiyməti 5,55 dollar və ya 4,68% azalaraq 113,01 dollar olub.

Eyni zamanda, “Brent” markalı neftin iyun fyuçersləri 116,55 dollar səviyyəsində formalaşıb.
Türkiyənin Ceyhan limanında FOB bazasında “Azeri Light” neftinin qiyməti isə 5,11 dollar və ya 4,48% azalaraq 108,93 dollar təşkil edib.

 Azərbaycanın 2026-cı il dövlət büdcəsində neftin orta qiyməti 65 dollar səviyyəsində götürülüb. Tarixi məlumatlara görə, “Azeri Light” neftinin ən aşağı qiyməti 2020-ci ilin aprelində 15,81 dollar, ən yüksək qiyməti isə 2008-ci ilin iyulunda 149,66 dollar olub.