Azərbaycan və Maldiv arasında vizasız rejim qüvvəyə minib

Azərbaycan və Maldiv Respublikası arasında qarşılıqlı vizasız rejim bu gündən qüvvəyə minib. Bu barədə Xarici İşlər Nazirliyi məlumat yayıb.

Məlumata görə, 24 sentyabr 2025-ci ildə Nyu-Yorkda imzalanmış “ümumvətəndaş pasportlarına malik vətəndaşların vizadan qarşılıqlı azad edilməsi haqqında” saziş üzrə bütün dövlətdaxili prosedurlar tamamlanıb və sənəd 29 aprel 2026-cı il tarixindən etibarən qüvvəyə minib.

Sazişə əsasən, hər iki ölkənin etibarlı ümumvətəndaş pasportuna malik vətəndaşları qarşı tərəfin ərazisinə vizasız daxil ola, oranı tərk edə və ya tranzit keçə bilərlər. Qalma müddəti giriş tarixindən etibarən maksimum 90 gün müəyyən edilib.

Bu addım iki ölkə arasında turizm və biznes əlaqələrinin genişlənməsi üçün əlavə imkanlar yaradır.