Azərbaycanda 4 ayda 96,5 milyon manat büdcə vəsaiti geri qaytarılıb

2026-cı ilin yanvar-aprelində Azərbaycanda dövlət büdcəsindən fiziki və hüquqi şəxslərə 96 milyon 494,7 min manat vəsait geri qaytarılıb. Bu barədə Maliyyə Nazirliyi məlumat yayıb.

Vəsaitlər əsasən ƏDV-nin qaytarılması, artıq ödənilmiş vergilər, dövlət rüsumları, faizlər və maliyyə sanksiyaları üzrə geri ödənişləri əhatə edib.

Geri qaytarılan məbləğə əcnəbilərin ölkədə istehsal və kommersiya məqsədi daşımayan mallara görə ödədiyi ƏDV, fiziki şəxslərin pərakəndə ticarət, ictimai iaşə, mədəniyyət və tibbi xidmətlər üzrə ƏDV geri ödənişləri də daxildir.

Bundan başqa, işğaldan azad edilmiş ərazilərdə mehmanxana xidmətləri, həmçinin nağdsız qaydada alınmış yaşayış və qeyri-yaşayış sahələrinə görə ödənilmiş ƏDV də geri qaytarılıb

Gülnar