“Azeri Light” neftinin qiyməti 110 dolları ötüb

Dünya bazarında Azərbaycanın “Azeri Light” markalı neftinin qiyməti artaraq bir barel üçün 110,48 ABŞ dollarına çatıb.

 “Azeri Light” neftinin bir bareli əvvəlki göstərici ilə müqayisədə 0,5 dollar və ya 0,45% bahalaşıb.

Eyni zamanda, “Brent” markalı neftin iyul fyuçersləri 105,24 ABŞ dolları səviyyəsində ticarət olunub.

Ceyhan limanında FOB bazasında Azərbaycan neftinin qiyməti isə 0,59 dollar və ya 0,55% artaraq 107,6 ABŞ dolları təşkil edib.

Azərbaycanın 2026-cı il dövlət büdcəsində neftin orta qiyməti bir barel üçün 65 ABŞ dolları səviyyəsində götürülüb.

 “Azeri Light” markalı neftin minimum qiyməti 2020-ci il aprelin 21-də 15,81 dollar, maksimum qiyməti isə 2008-ci ilin iyulunda 149,66 dollar olub.

Azərbaycan nefti Azəri-Çıraq-Günəşli yataqlar blokundan hasil edilir. Layihədə SOCARın payı 31,65% təşkil edir.