Türkmənistan Xəzərdə ilk yerli tikilən yük gəmisini istifadəyə verdi

Türkmənistan, Xəzər dənizində istifadə edilmək üçün tamamilə öz ərazisində tikilən ilk quru yük gəmisini Bakı Beynəlxalq Dəniz Limanına göndərib. Bunu Türkmənistanın Azərbaycandakı səfiri Qurbanməmməd İlyasov bildirib.

Səfirin sözlərinə görə, 6.100 ton yük daşıma həcminə malik olan gəmi, Türkmənbaşı şəhərindəki Balkan Gəmiqayırma Zavodunda Cənubi Koreya şirkəti ilə birgə inşa edilib.

Gəminin tikintisinə 2024-cü ilin payızında başlanılıb. Koreya şirkəti ilə bağlanmış müqavilə çərçivəsində tikilən iki quru yük gəmisindən birincisidir.

Gəmi əsasən konteyner daşınması üçün nəzərdə tutulub və Xəzər regionu marşrutlarında, o cümlədən Azərbaycana gedən xətlərdə fəaliyyət göstərəcək.
Bakı limanına ilk səfər Türkmənistan ilə Azərbaycan arasında nəqliyyat və logistika sahəsindəki əməkdaşlığın simvolu kimi qiymətləndirilir.

N.Təbrizli