Azərbaycanın dörd ayda Ermənistana ixracının ümumi dəyəri açıqlanıb

2026-cı ilin yanvar-aprelində Azərbaycandan Ermənistana 9 milyon 646 min ABŞ dolları dəyərində məhsul ixrac edilib. Bu da Azərbaycanın ümumi ixracının 0,08%-ni təşkil edib. Bu barədə Dövlət Gömrük Komitəsi məlumat yayıb.

Cari ilin yanvar-aprelində ölkənin xarici ölkələrlə ticarət dövriyyəsi 17 milyard 403 milyon 345.14 min ABŞ dolları təşkil edib.

İndiyədək Azərbaycandan Ermənistana 9 min ton dizel yanacağı, 979 ton Aİ-92 benzini və 2955 ton Aİ-95 benzini ixrac olunub.

Bununla yanaşı, Rusiyadan Ermənistana Azərbaycan üzərindən növbəti tranzit yükdaşımaları həyata keçirilir. Biləcəri stansiyasından Böyük Kəsik istiqamətinə 406 ton gübrə daşıyan 6 vaqon və 276 ton taxıl yüklənmiş 4 vaqon yola salınıb.

Aytac Zeynalova