Əli Əsədov MDB ilə iqtisadi əməkdaşlıqda artan potensialdan danışıb

2025-ci ildə Azərbaycanla MDB ölkələri arasında ticarət dövriyyəsi 10%-dən çox artıb. Bunu baş nazir Əli Əsədov bildirib. 

Baş nazirin sözlərinə görə, qarşılıqlı ticarətin və investisiya əməkdaşlığının genişləndirilməsi, həmçinin müxtəlif sahələrdə birgə layihələrin həyata keçirilməsi üçün əhəmiyyətli potensial mövcuddur.

Əsədov qeyd edib ki, Azərbaycan MDB çərçivəsində mehriban qonşuluq, qarşılıqlı hörmət və konstruktiv tərəfdaşlıq prinsiplərinə sadiq qalır.

“Biz bundan sonra da MDB-yə üzv dövlətlər arasında əməkdaşlığı sabitlik, dayanıqlı inkişaf və xalqlarımızın rifahı naminə gücləndirmək niyyətindəyik”, -  o vurğulayıb.

Aytac Zeynalova