Dünya bazarlarında neftin qiyməti artıb

Dünya bazarlarında neftin qiyməti ABŞ və İran arasında danışıqlarla bağlı qeyri-müəyyənliyin davam etməsi və Yaxın Şərqdən neft tədarükünə dair narahatlıqlar fonunda yüksəlib.

Brent markalı neftin avqust fyuçerslərinin qiyməti bir barel üçün təxminən 95 dollara yüksəlib. ABŞ-ın WTI markalı nefti isə 93 dollar ətrafında ticarət olunub.

Son günlərdə qiymətlərdə dəyişkənlik müşahidə olunsa da, hər iki etalon neft markası həftəlik ifadədə artım nümayiş etdirir.

Bazara dəstəyi Hörmüz boğazı vasitəsilə neft tədarükündə mümkün fasilələrə dair narahatlıqlar və Yaxın Şərqdə davam edən gərginlik göstərir. Analitiklər həmçinin qlobal neft ehtiyatlarının azalmasını və dünya bazarında təkliflə bağlı risklərin qalmasını qiymət artımının əsas səbəbləri kimi qiymətləndirirlər.

N.Təbrizli