Xarici ticarət dövriyyəsi 18 milyard dolları ötüb

Azərbaycanın xarici ticarət dövriyyəsi 2026-cı ilin yanvar-aprel aylarında 18,06 milyard ABŞ dollarına çatıb. Bu, ötən ilin eyni dövrü ilə müqayisədə cari qiymətlərlə 10,1% çoxdur. Bu barədə Dövlət Statistika Komitəsi məlumat yayıb.

Hesabat dövründə ixracın dəyəri 12,54 milyard dollar, idxalın dəyəri isə 5,52 milyard dollar təşkil edib. Nəticədə ölkənin xarici ticarətində 7,01 milyard dollar həcmində müsbət saldo yaranıb.

Bununla yanaşı, xarici ticarət dövriyyəsi real ifadədə ötən ilin eyni dövrü ilə müqayisədə 8,7% azalıb.

Yanvar-aprel aylarında qeyri-neft-qaz məhsullarının ixracı 4,7 milyard dollara çatıb. Bu göstərici ötən ilin müvafiq dövrü ilə müqayisədə cari qiymətlərlə 4,4 dəfə, real ifadədə isə 3,1 dəfə çoxdur.

Aytac Zeynalova