Paşa Bankın IPO-su fond bazarının kapitallaşmasını ÜDM-in 4%-nə yaxınlaşdırıb

Azərbaycanın fond bazarının kapitallaşmasının ümumi daxili məhsula nisbəti indiyədək təxminən 2,7-3% təşkil edib. Bunu Bakı Fond Birjasının İdarə Heyətinin sədri Ruslan Xəlilov çərşənbə günü Paşa Bankın IPO-su ilə bağlı keçirilən tədbirdə bildirib.

O bildirib ki, Paşa Bankın IPO-su nəticəsində bu göstərici təxminən 1 faiz bəndi artaraq 4%-ə yaxınlaşıb.

“Bu, yalnız kommersiya baxımından deyil, həm də makroiqtisadi baxımdan Azərbaycan iqtisadiyyatı və kapital bazarı üçün mühüm töhfədir”, – Bakı Fond Birjasının rəhbəri bildirib.

O əlavə edib ki, IPO-nun həyata keçirilməsində Paşa Bank, investisiya şirkətləri və digər bazar iştirakçılarının birgə fəaliyyəti mühüm rol oynayıb və bu layihə bütövlükdə Azərbaycan kapital bazarının inkişafına xidmət edir.

Gülnar Nazimqızı