Şahbazov: Azərbaycan nefti Avropa və Asiyanın 20-yə yaxın ölkəsinə ixrac olunur

Azərbaycan nefti hazırda Avropa və Asiyanın 20-yə yaxın ölkəsinə ixrac edilir, ölkədə neft və kondensatın orta gündəlik hasilatı 553 min barel, ixrac isə 445 min barel təşkil edir. Bunu energetika naziri Pərviz Şahbazov bildirib.

Bakıda keçirilən OPEC+ Əməkdaşlıq Xartiyası üzrə ilk Texniki Komitə iclasında çıxış edən nazir deyib ki, müasir dövrdə enerji sektorunda ölkələrin rolu təkcə istehsal həcmi ilə deyil, etibarlı və şaxələndirilmiş təchizat marşrutları, etibarlı tərəfdaşlıq və fasiləsiz enerji təminatı ilə ölçülür.

Şahbazovun sözlərinə görə, Azərbaycanın strateji əhəmiyyəti istehsal etdiyi enerjinin həcmi ilə deyil, regionlar və bazarlar arasında etibarlı əlaqələr yaratmaq, tərəfdaşlarının enerji təhlükəsizliyinə töhfə vermək və etibarlı tərəfdaş kimi qazandığı etimadla müəyyən olunur.

Nazir bildirib ki, OPEC+ çərçivəsində əsas əməkdaşlıq istiqamətləri iri neft istehlakçıları ilə dialoqun gücləndirilməsi, texnologiya, innovasiya və investisiyaların təşviqi, tənzimləyici siyasət üzrə əməkdaşlığın genişləndirilməsi, neft bazarının təhlilinin təkmilləşdirilməsi və sənaye standartlarının hazırlanmasını əhatə edir.

Aytac Zeynalova