Neft qiymətləri 5 %-dən çox ucuzlaşıb

Qlobal əmtəə bazarında neft qiymətləri yeni həftənin ilk ticarət günündə 5 %-dən çox geriləyib.

Ticarət məlumatlarına görə, qiymət enişinə ABŞ Prezidenti Donald Trampın İranla yeni danışıqların keçiriləcəyinə dair bəyanatı təsir göstərib.

"Brent" markalı neftin oktyabr fyuçersləri əvvəlki bağlanış qiyməti ilə müqayisədə 5,17 % ucuzlaşaraq bir barel üçün 83,38 ABŞ dollarına enib. WTI markalı neftin sentyabr fyuçerslərinin qiyməti isə 5,92 % azalaraq 79,66 ABŞ dolları təşkil edib.

Donald Tramp daha əvvəl ABŞ-ın ötən həftəsonu İrana planlaşdırdığı hərbi əməliyyatı ləğv etdiyini açıqlayıb. Onun sözlərinə görə, Vaşinqton və Tehran arasında avqustun 3-də yeni danışıqların keçirilməsi nəzərdə tutulur.