“Azeri Light” nefti 95 dolları keçib

Dünya bazarında Azərbaycanın “Azeri Light” markalı neftinin qiyməti 1,23 ABŞ dolları və ya 1,3% artaraq 95,16 dollara yüksəlib.

Hərracların nəticələrinə görə, “Brent” markalı neftin sentyabr fyuçerslərinin qiyməti 91,92 dollar təşkil edib.

Türkiyənin Ceyhan limanında FOB bazasında “Azeri Light” neftinin bir barelinin qiyməti isə 1,37 dollar və ya 1,5% artaraq 92,32 dollara çatıb.

Azərbaycanın 2026-cı il dövlət büdcəsində bir barel neftin orta qiyməti 65 dollar götürülüb. Beləliklə, dünya bazarında “Azeri Light”ın hazırkı qiyməti büdcə hesablamasında nəzərdə tutulan göstəricidən 30,16 dollar və ya təxminən 46% yüksəkdir. 2026-cı ilin əvvəlində də neft qiymətinin büdcə proqnozunu üstələdiyi dövrlər olub.

“Azeri Light” Azərbaycanın əsas ixrac neft markalarından biridir və “Azəri-Çıraq-Günəşli” (AÇG) yataqlar blokunda hasil edilir. AÇG üzrə hasilatın operatoru BP-dir. 2024-cü ildə sazişə edilən dəyişikliklərlə layihənin müddəti 2049-cu ilin sonunadək uzadılıb. Hazırda konsorsiumda SOCAR-ın payı 35,3%, BP-nin payı isə 30,37%-dir.

“Azeri Light”ın qiyməti tarixi baxımdan da geniş diapazonda dəyişib. Neft markasının ən aşağı qiyməti 21 aprel 2020-ci ildə 15,81 dollar, maksimum qiyməti isə 2008-ci ilin iyulunda 149,66 dollar olub.

Gülnar Nazimqızı