Azərbaycanda pensiya ödənişlərinə ayrılan vəsait 10% artıb

Azərbaycanda 2026-cı ilin yanvar-iyul aylarında pensiya ödənişlərinə 4 milyard 568 milyon manat vəsait yönəldilib ki, bu da ötən ilin eyni dövrü ilə müqayisədə 10% və ya 426 milyon manat çoxdur. Bu barədə Əmək və Əhalinin Sosial Müdafiəsi Nazirliyindən bildirilib. 

Cari ilin əvvəlindən pensiyalar 9,3% indeksləşdirilərək artırılıb.

Avqustun 1-nə ölkə üzrə orta aylıq pensiya məbləği illik müqayisədə 10% artaraq 595 manata, yaşa görə orta aylıq pensiya isə 633 manata çatıb.

Yanvar-iyul aylarında 25 min pensiya təyinatı elektron sistem üzərindən proaktiv qaydada həyata keçirilib.

 Elektron pensiya təyinatı sistemi 2019-cu ilin əvvəlindən tətbiq olunur. Həmin vaxtdan etibarən ümumilikdə 203 min pensiya vətəndaşların müraciəti olmadan, elektron sistem üzərindən proaktiv qaydada təyin edilib.

Gülnar Nazimqızı