“Ziraat Bank Azərbaycan” istiqrazlar yerləşdirib

“Ziraat Bank Azərbaycan”ın 15 milyon manatlıq istiqraz buraxılışına 4 dəfədən çox tələb daxil olub.

“Ziraat Bank Azərbaycan” ASC Bakı Fond Birjasında 15 milyon manat həcmində ilk istiqraz buraxılışını uğurla həyata keçirib.

Bank rəhbərliyinin istiqrazların ticarətə buraxılmasına həsr olunmuş “Açılış Zəngi” mərasimindəki çıxışına əsasən, emissiya üzrə tələb təklifi 4 dəfədən çox üstələyib və prosesdə 144 investor iştirak edib.

2014-cü ildən etibarən Azərbaycanda fəaliyyət göstərən və Türkiyənin 160 ildən artıq tarixi olan “Ziraat Bankası”nın törəməsi kimi qurulan bank üçün bu təşəbbüs yerli kapital bazarlarında mühüm mərhələdir.

"Ziraat Bank Azərbaycan” ASC-nin Azərbaycan bazarındaistiqrazlarının yerləşdirilməsinin uğurla yekunlaşması bank, ölkənin kapital bazarı, onun iştirakçıları və investisiya şirkətləri üçün mühüm hadisədir. Bunu “PAŞA Kapital” investisiya şirkətinin Baş icraçı direktoru İsi Mustafayev “Ziraat Bank Azərbaycan” ASC-nin istiqrazlarının Bakı Fond Birjasında ticarətə buraxılmasına həsr olunmuş “Açılış Zəngi” mərasimində bildirib.

Onun sözlərinə görə, bu təşəbbüs “Ziraat Bank Azərbaycan”ın kapital bazarlarındakı ilk təcrübəsidir və bazarda yeni maliyyə alətlərinin daha geniş investor auditoriyasına təqdim edilməsinə şərait yaradır.

Mustafayev qeyd edib ki, istiqrazların yerləşdirilməsində 140-dan çox investor iştirak edib.

 “Bunun əsas səbəblərindən biri prosesin ənənəvi kanallarla yanaşı, elektron platforma üzərindən aparılmasıdır. Eyni yanaşma daha əvvəl 'PAŞA Bank'ın səhmlərinin və istiqrazlarının yerləşdirilməsi zamanı da uğurla tətbiq olunub”, - Mustafayev bildirib.

N.Təbrizli