Azərbaycan nefti ucuzlaşıb

Dünya bazarında Azərbaycanın “Azeri Light” markalı neftinin bir barelinin qiyməti 91,51 ABŞ dollarına enib.

“Azeri Light”ın qiyməti əvvəlki göstərici ilə müqayisədə 0,42 dollar və ya 0,46% azalıb.

Hərracların nəticələrinə görə, “Brent” markalı neftin oktyabr fyuçerslərinin qiyməti 88,53 dollar təşkil edib.

Türkiyənin Ceyhan limanında FOB bazasında “Azeri Light”ın bir barelinin qiyməti isə 0,39 dollar və ya 0,44% azalaraq 88,11 dollar olub.

Azərbaycanın 2026-cı il dövlət büdcəsində bir barel neftin orta qiyməti 65 dollar götürülüb.

“Azeri Light” neftinin ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar olub.

Azərbaycan bu markalı nefti “Azəri-Çıraq-Günəşli” (AÇG) yataqlar blokunda hasil edir. AÇG üzrə müqavilədə Azərbaycan Dövlət Neft Şirkətinin (SOCAR) payı 35,3% təşkil edir.