Rövnəq Abdullayev Kazanda Bəhreyn naziri ilə görüşüb

Azərbaycanın iqtisadiyyat nazirinin müavini Rövnəq Abdullayev Kazanda keçirilən "Tatarıstan Neft, Qaz və Kimya Forumu – 2026" çərçivəsində Bəhreyn Krallığının neft və ətraf mühit naziri Məhəmməd bin Mübarək bin Dinah ilə görüşüb.

Görüşdə Azərbaycan ilə Bəhreyn arasında iqtisadi əlaqələrin inkişafı, tərəfdaşlığın genişləndirilməsi, enerji və ətraf mühit sahələrində birgə əməkdaşlıq imkanları müzakirə olunub.

Səfər zamanı nazir müavini həmçinin Tatarıstanın "Ximqrad" Texnopolisinin istehsal imkanları, tətbiq olunan innovativ texnologiyaları və cari layihələri ilə tanış olub.

N.Təbrizli