Mərkəzi Bankın valyuta ehtiyatları 8 ayda 32,9% artıb

Azərbaycan Mərkəzi Bankının (AMB) rəsmi valyuta ehtiyatları 2026-cı ilin ilk səkkiz ayında 3,8 milyard ABŞ dolları və ya 32,9% artaraq avqustun 31-nə 15,3 milyard dollara çatıb. Bu barədə AMB-dən bildirilib. 

2025-ci ilin sonunda Mərkəzi Bankın rəsmi valyuta ehtiyatları 11,5 milyard dollar təşkil edib.

İllik müqayisədə də ehtiyatlarda əhəmiyyətli artım qeydə alınıb. 2025-ci il avqustun 31-də 11,2 milyard dollar olan valyuta ehtiyatları bu ilin eyni tarixində 4,1 milyard dollar və ya 36% artıb.

Mərkəzi Bankın valyuta ehtiyatları iyulun sonunda 13,8 milyard dollar olub. Beləliklə, avqust ayında ehtiyatlar təxminən 1,5 milyard dollar və ya 11,1% artıb.

Aytac Zeynalova