Bakı Limanı geosiyasi vəziyyət fonunda əlavə yük həcmlərinə hazırlaşır

Regionda geosiyasi vəziyyət Bakı Beynəlxalq Dəniz Limanının fəaliyyətinə də təsir göstərir. Bunu “Azərbaycan Dəmir Yolları” QSC-yə məxsus “Bakı Beynəlxalq Dəniz Limanı” MMC-nin baş direktoru Eldar Salahov jurnalistlərə açıqlamasında deyib.

O bildirib ki, geosiyasi proseslər fonunda nəzərdə tutulmayan əlavə yük həcmlərinin yaranması mümkündür. Bu səbəbdən Bakı Limanı Orta Dəhliz üzrə artan yük axınının qarşılanması üçün hazırlıq işlərini davam etdirir.

Salahovun sözlərinə görə, limanın texniki imkanlarının artırılması məqsədilə yeni yük aşırma avadanlıqları, lokomotivlər, kranlar, konteyner yükləyiciləri və çəngəlli yükləyicilərin alınması istiqamətində işlər görülür.

“Bakı Limanı bu yüklərin qarşılanmasına hazırdır”, –  o qeyd edib.

Aytac