Azərbaycanda bank sektorunun aktivləri 60,9 milyard manata çatıb

Azərbaycan bank sektorunun aktivləri 2026-cı ilin ilk yarısında ötən ilin sonu ilə müqayisədə 6,8% artaraq 60,9 milyard manata çatıb.Bunu Azərbaycan Mərkəzi Bankının (AMB) Maliyyə Sabitliyi departamentinin direktoru Ataxan Həsənov bildirib.

Onun sözlərinə görə, hesabat dövründə bank sektorunun aktivlərinin ÜDM-ə nisbəti 2,5 faiz bəndi artaraq 46,7%-ə yüksəlib.

Həsənov qeyd edib ki, bank sektorunun balansının genişlənməsi əsasən fiziki şəxslərin müddətli depozitlərinin artması hesabına baş verib.

Belə ki, depozit portfelində unikal fiziki şəxs əmanətçilərin sayı ötən ilin sonu ilə müqayisədə 13,6% artaraq 220,6 min nəfərə çatıb.

2026-cı ilin birinci yarısının yekunlarına görə, bank sektorunun aktivlərinin strukturunda xalis kreditlər 29,9 milyard manat, likvid aktivlər 15,4 milyard manat, digər aktivlər isə 15,6 milyard manat təşkil edib.

Bank sektorunun öhdəliklərinin strukturunda isə tələbli depozitlər 23 milyard manat, müddətli depozitlər 16,8 milyard manat, digər öhdəliklər 13,6 milyard manat olub.

Aytac