Aİ şirkətlərinin 19 %-i Qarabağ, Şərqi Zəngəzur və Naxçıvana investisiya yatırıb

Azərbaycan üzrə Aİ Biznes Mühiti Hesabatı 2025/2026 çərçivəsində keçirilən sorğuda iştirak edən şirkətlərin 19 %-i Qarabağ və Şərqi Zəngəzur iqtisadi rayonlarına, eləcə də Naxçıvana artıq investisiya yatırıb. Bunu Azərbaycan–Avropa İttifaqı Biznes Forumunun komanda rəhbəri Aytən Axundova hesabatın təqdimatı zamanı bildirib.

Onun sözlərinə görə, ötənilki sorğuda Qarabağ və Şərqi Zəngəzura investisiya yatırdığını bildirən şirkətlərin payı 8 % olub.

Axundova qeyd edib ki, respondentlərin 30 %-i sözügedən regionlara investisiya yatırmağa hazırdır və əlverişli imkanlar gözləyir.

İnvestisiya üçün ən cəlbedici sahələr nəqliyyat infrastrukturu, alternativ enerji və yaşıl layihələr, tikinti, konsaltinq, kənd təsərrüfatı və informasiya-kommunikasiya texnologiyalarıdır.

Aytac