10 nüvəli prosessorla təchiz edilmiş ilk smartfon buraxılacaq
24.06.2015 23:00
Çinin "Elephone" mobil texnika istehsalçısı 2015-ci ilin payızında 10 nüvəli prosessorla təchiz edilmiş ilk smartfon istehsal edəcəyinə dair söz verib.
"ICTnews" elektron xəbər xidməti "lenta.ru" saytına istinadən bildirir ki, "Elephone P9000" qurğusu "X20 Helio" prosessoru ilə işləyən ilk model olacaq. Ekranın diaqonalı 5,5 düym (təxminən 14 santimetr), təsvir ölçüsü 1920x1080 nöqtə təşkil edəcək. Əməli yaddaşın tutumu 4 QB, istifadəçi məlumatlarının saxlanılması üçün daxili yaddaşın tutumu 32 QB (128 QB-dək tutumda yaddaş kartı dəstəklənir) təşkil edəcək. 21 meqapiksellik kamera keyfiyyətli fotoşəkil çəkməyə imkan verəcək. Daxili akkumulyatorun tutumu 3100 milliamper/saat olacaq.
Gözləntilərə görə, "Android 5.1" mobil platforması ilə işləyəcək "P9000" smartfonu 20 oktyabr 2015-ci il tarixində 500 dollara satışa çıxarılacaq.
2015-ci ilin qabaqcıl qurğuları əsasən 64 bitlik 8 nüvəli prosessorlarla təchiz olunub.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 17:50
PAŞA Bankın maliyyə dəstəyi ilə Azərbaycanda regionun ən böyük enerji saxlama layihəsinin icrasına başlanılır
Foto
Video
